SNIL-Arena

Søre Neset IL ønskte å utvide aktivitetstilbodet sitt på Søre Neset, og me bistod med detaljregulering som mogleggjer bygging av idrettshallen SNIL-Arena, samt tilrettelegging av det tidlegare utilgjengelege friluftsområdet ved Bjørnavatnet for idrettslaget, barneskulen og ålmenta.

I samband med detaljreguleringa var det òg naudsynt med ein analyse og soneinndeling av Aurebekken, der det tidlegare har vore registrert elvemusling, og søknad til Miljødirektoratet om omdisponering av ein mindre del av det statleg sikra friluftsområdet. Me bistod vidare som ansvarleg søkjar, med prosjektering av vatn- og avløpsanlegg og søknad om fysiske inngrep i vassdraget.