Varsel om oppstart av arbeid med privat detaljreguleringsplan for Bjånesvegen 67/45 m.fl.
Varsel om oppstart av privat detaljreguleringsplan for Bjånesvegen 67/45 m.fl. — nytt bustadfelt med inntil 14 bueiningar på Bjånes.
Med heimel i plan- og bygningslova § 12-8 vert det varsla om at Byggadministrasjon Harald Bjørndal AS har sett i gang arbeid med reguleringsplan for Bjånes Fjordboliger AS på nemnde eigedom.
Planområdet er om lag 15,3 daa og inneheld arealet avsett til bustad i føremål B1 i kommunedelplan for Bjåneshalvøya. Planområdet overlappar òg noko av tilgrensande områderegulering for Moldegaard – Djupadalen, Bjånes og reguleringsplan for Hatvikvegen, slik at dei tre planane skal tilpassast kvarandre.
Føremålet med reguleringa er å legge opp til eit nytt bustadfelt med inntil 14 bueiningar fordelt på eine- og tomannsbustader. Oppstartsmøte vart halde den 14.10.2025, og oppstartsløyve vart gjeve i same møte.
Merknad til planarbeidet skal sendast skriftleg til Byggadministrasjon Harald Bjørndal AS, Postboks 103, 5649 Eikelandsosen, eller til post@byggadmin.no innan 05.12.2025. Ved spørsmål kan ein kontakte Petter E. T. Flotve på tlf. 957 95 230 eller petter@byggadmin.no.